sim review

സിം :പ്രതീക്ഷിച്ചതു ഒരു കോൾ ദീപൻ തന്നതോ  മിസ്സ്ഡ് കോൾ :    അത്ര പോര... 

     ദീപന് കഥ പറയണമെങ്കിൽ ഒരു പട്ടർ വേണമെന്നായിരിക്കുന്നു.. ആദ്യ ചിത്രം പ്രിത്വിരാജിനെ പട്ടരാക്കി വിജയിക്കുകയും രണ്ടാം ചിത്രം പരാജയപ്പെടുകയും ചെയ്തതുകൊണ്ടാവണം  പട്ടരാണ് തന്റെ രാശിയെന്നു കക്ഷി ഉറപ്പിച്ചത്.. പട്ടരിൽ പൊട്ടനില്ല എന്നാണോ പട്ടരിൽ പൊട്ടനെ ഉള്ളൂ എന്നാണോ ദീപൻ ഉദേശിക്കുന്നത്? സിമ്മിൽ കണ്ട പട്ടരാണെങ്കിൽ പൊട്ടനാണ് എന്ന് പറയാനേ നിവർത്തിയുള്ളൂ അയാൾക്ക്‌ എല്ലാത്തിനെയും കുറിച്ച് അറിവുണ്ട്..ബട്ട്‌ ചില്ലിട്ട ഒരു കട കണ്ടാൽ എങ്ങനെ അകത്തു കയറണമെന്ന് അറിയില്ല, പാൽ  വാങ്ങാൻ 5 ഉം  ആറും കിലോമീറ്റർ സൈകിൽ ഓടിക്കും..സാമ്പാറെ കഴിക്കൂ,പൊട്ടനാണ് എന്ന് കാണിക്കാൻ വലിയ ഒരു കണ്ണടയും പക്ഷെ പെണ്ണ് കെട്ടിയിട്ടില്ല ഈ പട്ടരു പെണ്ണ് കെട്ടാൻ കളിക്കുന്ന കളിയാണ് ദീപന്റെ സിം..
    ജഗദീഷ് അവതരിപ്പിക്കുന്ന കൊമെടി പരിപാടി കണ്ടിട്ടാണോ എന്നറിയില്ല  ദീപന്റെ സിം അവസാനിക്കുന്നത്  വലിയ സാരോപദേശത്തിലാണ് ...അല്ല ഇപ്പൊ കൊമെടി പരിപാടികൾ ആളുകളെ നന്നാക്കാനാണല്ലോ തയ്യാറാക്കുന്നത് അതുകൊണ്ട് കുറ്റം പറയുന്നില്ല..പക്ഷെ കുറ്റം പറയാതിരിക്കണമെങ്കിൽ സിനിമയിൽ എന്തെങ്കിലും പറയേണ്ടേ? മൊബൈൽ ഫോണ്‍  എങ്ങനെ മിസ്‌ യൂസ് ചെയ്യുന്നു എന്ന് കാണിക്കാൻ ആദ്യപകുതി..അതും ഒരു മണിക്കൂറിൽ. ഇതിനിടയിൽ കഥാപാത്രങ്ങൾ ഇന്ട്രോട്യൂസ്  ചെയ്യപ്പെടുന്നു..അവരുടെ മോശവും നല്ല വശങ്ങളും തുറന്നു കാണിക്കപ്പെടുന്നു.. കണ്ടിരിക്കാം ഈ ആദ്യപകുതി..പക്ഷെ രണ്ടാം പകുതിയിൽ ദീപൻ ഒന്നും പറയുന്നില്ല.. പുതിയ സിനിമയുടെ ഡേയ്റ്റ് അടുതതുകൊണ്ടാണോ ഇത്ര മതി എന്ന് അദ്ദേഹം തീരുമാനിച്ചതുകൊണ്ടാണോ എന്നറിയില്ല ഇന്റെർവൽ കഴിഞ്ഞു 40 ആം മിനിറ്റിൽ ദീപൻ സിം ഊരി കയ്യിൽ പിടിച്ചിട്ടു ഇറങ്ങി പോകാൻ പറഞ്ഞു..പട്ടർക്ക് പെണ്ണും കിട്ടി സിനിമ കണ്ടവർക്ക് പണിയും കിട്ടി....
             സത്യത്തിൽ ഇങ്ങനെയാണോ  താങ്കള് കഥ പറയാൻ ഉദ്ദേശിച്ചത് എന്ന് ചോദിച്ചാൽ  സംവിധായകന് പോലും അതിനു ഉത്തരം ഉണ്ടാവില്ല ? പറയാൻ ഉദ്ദേശിച്ചത്  ഒരു പക്ഷെ ഇതായിരിക്കും "His friends gave a matrimonial ad in the newspaper and forced him to buy a mobile for the same purpose. But all the calls he received where to know the whereabouts of Karthik who used the SIM that Iyer now uses.A call that comes to the mobile completely changes Iyer's life. The interesting story that follows is picturized by Deepan in his movie 'SIM'. " പക്ഷെ ഞങ്ങൾ കണ്ടതോ  അതല്ല  അതുകൊണ്ട് തല്ക്കാലം ഇങ്ങനെ ആശ്വസിക്കാം പറയാനുള്ളതല്ല ദീപൻ പറഞ്ഞത് പറയാനുള്ളത് ദീപൻ പറഞ്ഞിരുന്നെങ്കിൽ അത് നല്ലൊരു സിനിമയാകുമായിരുന്നു?... ഒറ്റ ചോദ്യം കൂടി : കാർത്തിക് പൊട്ടിച്ചെറിയുന്ന ഐഡിയ സിം അയ്യർ വാങ്ങുമ്പോൾ എങ്ങിനെയാണ് അതു  യുനിനോർ ആവുക..പോട്ടെ ആയി എന്ന് കരുതിയാൽ തന്നെ അതിനെങ്ങനെ ഐഡിയ നമ്പർ കിട്ടും? ഒഹ്ഹ്ഹ് നമ്പർ പൊർറ്റബിലിറ്റി  ?? ഇത്രയും പറഞ്ഞപ്പോൾ നല്ലതുകൂടി പറയാതെ പോകുന്നത് മോശമല്ലേ  ഒരു കളർഫുൾ ചിത്രത്തിന്റെ മൂഡ്‌ ക്രിയേറ്റ് ചെയ്യാൻ സാധിച്ചിട്ടുന്ദ്.. മണികണ്ടന്റെ കയ്യിൽ  നിന്ന് ഇടയ്ക്കു തന്റെ കഥാപത്രം വഴുതി പോയെങ്കിലും കാർത്തിക്ക്   ആയി വന്ന ദീപകും അബ്ദുല്ലയായി വന്നു അൽപ സ്വല്പം മറിമായം വിറ്റടിച്ചുപോയ  മറിമായം ഫെയിം  വിനോദ് കോവൂരും  നന്നായി ചെയ്തതുകൊണ്ട് ബോറടിക്കാതെ ഒപ്പിക്കാം.. അതുകൂടി ഇല്ലായിരുന്നെങ്കിൽ ഒരു സീരിയൽ പോലെ ആവുമായിരുന്നു സിം .. കുറ്റം പറയരുത്.. ഒരു വലിയ മെസ്സേജ് തരുന്നുണ്ട് ഈ 'വലിയ, സിനിമ..ആണിനേയും പെണ്ണിനേയും ഒരുപോലെ കുറ്റപ്പെടുത്തി എന്നാൽ കൂട്ടത്തിൽ പെണ്ണിനെ കുറച്ചുകൂടുതൽ കുറ്റപ്പെടുത്തി മൊബൈൽ ഫോണ്‍ ഉപയോഗിക്കുന്നവർ ഏതൊക്കെ തരത്തിൽ ചൂഷണം ചെയ്യപ്പെടാൻ സാധ്യതയുണ്ട് എന്ന് പറഞ്ഞു തരുന്നുണ്ട് ദീപൻ.. അവിടെ കൂടിയ ആളുകളെ കൊണ്ട് ആണിനെ മാത്രമാണോ പെണ്ണിനേയും അറസ്റ്റു ചെയ്യേണ്ടേ എന്ന് കൂടി പറയിപ്പിക്കാനും  തിരക്കതക്രിത്ത് സതീഷ്‌  മറന്നില്ല . ആ പറഞ്ഞതിൽ വല്ല ശരിയുമുണ്ടോ ?  എങ്കിലും  പറയട്ടെ  ദീപാ , ദീപന്റേതു  സ്ക്രാട്ച്ചായ സിംമാണ്.. അത്ര പോര..